ՌԴ պաշտոնյաները՝ Լավրովը, Մեդվեդևը, Վոլոդինը, Օվերչուկը, Գալուզինը վերջին օրերին բավականին ակտիվ խոսում են Հայաստանի մասին՝ քննարկելով ԵՄ-ԵԱՏՄ հարցը։ Խիստ ուշագրավ է, որ նրանք բարձրաձայնում են մի հարց, որը ոչ ՀՀ օրակարգում է, ոչ էլ նույնիսկ ընտրարշավի բանավեճի սեղանին։
Իսկ Մեդվեդևը կարծես անցել է շանտաժային հռետորաբանությանը. «Հայ ժողովուրդը կհեռացնի Փաշինյանին, եթե Երևանին բաժին հասնեն գազի եվրոպական գները»։
Ավելի վաղ ՌԴ ԱԳՆ ղեկավար Սերգեյ Լավրովը հայտարարել էր, թե «Հայաստանին փորձում են ներքաշել սխալ տրամաբանության մեջ՝ Ռուսաստանին վնասելու համար»։
Նա նաև հավելել է. «Արևմուտքը փորձում է տարանջատել ՌԴ դաշնակիցներին, նախևառաջ նրա հարևաններին, ներառյալ Հայաստանը»։
