Հայաստանի Հանրապետության տարածքային կառավարման և ենթակառուցվածքներին նախարար Դավիթ Խուդաթյանն ընդունել է Հայաստանում Հունաստանի Հանրապետության արտակարգ և լիազոր դեսպան Խրիստոս Սոֆիանոպուլոսին։ Հանդիպամ մասին գրել է «Ֆեյսբուք»-ի իր էջում, ընդգծելով, որ դեսպանի հետ զրույցի ընթացքում բարձր է գնահատել Հայաստան-Հունաստան բարեկամական հարաբերությունները։
«Հանդիպման ժամանակ անդրադարձ ենք կատարել ավիացիոն ոլորտին, ինչպես նաև ավտոմոբիլային բեռնափոխադրումներին։
Երկուստեք կարևորել ենք միջտարածաշրջանային համագործակցությունն ակտիվացնելու անհրաժեշտությունը:Շնորհակալություն եմ հայտնել անցած տարի մայիսյան ջրհեղեղից հետո Հունաստանի կողմից Հայաստանին նվիրաբերված մետաղական կամուրջների համար, որոնք այժմ տեղադրված են Լոռու մարզի Հոբարձի, Այրում և Քարկոփ բնակավայրերում՝ փլուզված կամուրջների փոխարեն։
Ընդգծել եմ, որ Հայաստանը գնահատում է այս կարևոր աջակցությունը»,- գրել է Դավիթ Խուդաթյանը:
