Մեքենաներն անցնում են, իհարկե ոչ բոլորը, բայց նախորդ օրվա ընթացքում մի քանի տասնյակ մեքենա արդեն անցել է։ Այս մասին այսօր լրագրողների հետ զրույցում անդրադառնալով Լարսում տիրող իրավիճակին՝ ասաց Էկոնոմիկայի նախարար Վահան Քերոբյանը:
Խոսելով ալկոհոլային խմիչքներով բեռնված մեքենաների չանցնելու մասին՝ նախարարն ասաց. «Մեր Կառավարության և Էկոնոմիկայի նախարարության տնտեսական քաղաքականության կարևորագույն մաս է կազմում նաև այն, որ ՀՀ-ում արտադրվող ապրանքները լինեն բարձր որակի, և մենք որոշ ժամանակ առաջ արդեն սկսել էինք գործընթաց, որպեսզի ՀՀ-ից արտահանվող խմիչքը լինի բարձր որակի: Չեմ կարող ասել, որ քաղաքական ենթատեքստ կա, որոշ մեքենաներից նմուշառումներ են արվել, սպասում ենք նմուշառման արդյունքներին, այլ մեքենաներն անցնում են»:
