2020-ի պատերազմը շատ բան է փոխել մեր կյանքում․ Արցախը ծանր վիճակում է: «Առաջին լրատվական»-ի հետ զրույցում նշեց Արցախի ԱԳ նախարար Դավիթ Բաբայանը:
Նախարարի բնորոշմամբ՝ Արցախը նման է վերակենդանացման բաժանմունքում գտնվող մարտիկի․ «Հայի գենն է՝ դիմակայում ենք․ Այս բարոյահոգեբանական ծանր բեռից պետք է ազատվենք: Մեզ այսօր պետք է երկու դեղամիջոց՝ պրոֆեսիոնալիզմ ու հայրենասիրություն: Արևմտամետները քարկոծում են ռուսամետներին․ դժբախտաբար ունենք նման շիզոֆրենիկներ: Կողմ եմ, որ լինեն և արևմտամետներ, և ռուսամետներ․ իրավունք չունենք հակառակ լինել որևէ կողմին»:
Բաբայանը սակայն դժվարանում է դեռևս խոսել 2020-ի պարտության պատճառների մասին․ «Պատմությունը ցույց տվեց՝ պարտվել ենք ինքներս մեզ: Մեր ամենամեծ թշնամին մենք ենք: Լինելու ենք ամենաանիծված սերունդը, եթե հանձնվենքԱրցախն ուզում է փրկել ինքն իրեն․ Ադրբեջանի կազմում մեզ համար լինելու է մահապատիժ:Արցախի հարցով պետք է արժանապատիվ դիրքորոշում: Հզոր ուժերը շահագրգռված են ծանր վիրավոր Արցախի հարցով: Պետք է այնպես անել, որ հանկարծ չվիրավորենք նրանց, ումից կախված է մեր ապագան, բայց չպետք է նաև ստրուկ լինել»: