Նախօրեին հրապարակվեց որոշ վիճակագրություն, որը ներկայացնում է հարկերի հավաքագրման դինամիկան՝ 2018-ից առաջ և հետո։ Իհարկե, այս տվյալները մոտիվացված են եղել հրապարակել իշխանությունները՝ ցուցադրելու, որ հարկահավաքի գործընթացն իրականացվում է օրենքին համապատասխան, հետևապես՝ կոռուպցիայի բացակայության արդյունքում հարկահավաքությունը գրանցում է դրական դինամիկա։ Ողջունելի է, ինչ խոսք։ Ըստ այս հրապարակման մի քանի խոշոր հարկատուների վճարած հարկերը մի քանի անգամ գերազանցել են մինչհեղափոխական շրջանում արձանագրված ցուցանիշները։Թեմայի շուրջ «Առաջին լրատվական»-ը զրուցել է Աուդիտորների պալատի նախագահ, տնտեսագետ Նաիրի Սարգսյանի հետ:
Տնտեսագետի խոսքով` հարկերի հավաքագրումը գտնվում է շատ վատ վիճակում. «Խաբկանք է, պետբյուջե է մուտքագրվում գումար, որը ենթակա է հետվերադարձման: Կեղծ տվյալներ են հրամցվում: Հարկային պլանի թերակատարում ենք ունեցել: Հարկային հավաքագրման վրա ազդեցություն է ունեցել նաև ԶՊՄԿ-ից հավաքագրվող գումարը»:
