Գերմանիայի Էկոնոմիկայի եւ կլիմայի պաշտպանության գործերի նախարար Ռոբերտ Հաբեքն ընդունել Է, որ երկրում ձմեռային տարեշրջանի գազի պաշարների հետ կապված իրադրությունը մնում Է լուրջ, հորդորել Է խնայել գազը եւ ընդլայնել ածխի օգտագործումը Էլեկտրակայանների աշխատանքն ապահովելու նպատակով:
«Ներկայիս իրադրությունը լարված Է եւ լուրջ»,-հայտարարել Է նա ZDE հեռուստաալիքին տված հարցազրույցում: Հաբեքը նշել Է. «Միշտ հստակ Է եղել, որ մենք գտնվում ենք գազից մեծ կախվածության մեջ (…) Ուստի այն միջոցները, որոնք մենք ձեռնարկում ենք, աստիճանական գործողություններ են, ճիշտ են»: «Մինչեւ ձմեռ գազի պաշարները պետք Է կազմեն առնվազն 90 տոկոս, ասել Է նախարարը, նշելով, որ այսօր երկրի գազապահեստարանները լցված են 57 տոկոսով: Նրա խոսքով՝ դա «այնքան Էլ վատ չԷ սեզոնի համար, բայց ինչ-որ բան դեռ պակաս Է, եւ մենք պակասը պետք Է ստանանք ամառվա ընթացքում՝ «գնումների եւ խնայողության օգնությամբ»: Նախարարը, որը ներկայացնում Է «կանաչների» կուսակցությունը, որոնք դեմ են հանգես գալիս հանածո վառելանյութին, որպես իրավիճակից ելք առաջարկել Է ամեն կերպ կրճատել գազի օգտագործումը եւ «կրկին ցանցին միացնել ածխաԷլեկտրակայանները»:
«Ես այժմ ջանում եմ հեռու մնալ կուսակցական ծրագրից եւ անել այն, ինչն անհրաժեշտ Է անել Գերմանիայում մատակարարումների անվտանգությանն ապահովելու համար»,-ընդգծել Է նա: «Գազպրոմ»-ի կողմից «Հյուսիսային հոսք 1»-ով մատակարարումների կրճատումը, ինչպես հաղորդվել Է, պայմանավորված Է Siemens Energy-ի կոմպրեսորային տուրբինների վերանորոգման հետ կապված ուշացումով, հաղորդել Է «Ինտերֆաքս»-ը:
