ԱՄՆ-ի Կոնգրեսի Ներկայացուցիչների պալատը կարող Է մայիսի 10-ին քվեարկել Ուկրաինային 39,8 միլիարդի լրացուցիչ օգնություն հատկացնելու օգտին: Այդ մասին, հաղորդում են ԶԼՄ-ները՝ վկայակոչելով տեղեկացված աղբյուրների:
Հաղորդագրություններում նշվում Է, որ դեմոկրատ օրենսդիրներն արդեն համաձայնել են այդ առաջարկությանը, որը գերազանցում Է ավելի վաղ այդ նպատակով Ջո Բայդենի կողմից պահանջված 33 միլիարդ դոլարը: Աղբյուրների խոսքով՝ նոր առաջարկությունը ներառում Է լրացուցիչ 3,4 միլիարդ դոլարի ռազմական եւ 3,4 միլիարդ դոլարի հումանիտար օգնությունը: Սենատի ղեկավարները, աղբյուրների տեղեկատվությամբ, հայտարարել են, որ իրենք նաեւ պատրաստ են արագ գործել, որպեսզի նախագահի կողմից օրինագիծը որքան կարելի Է ավելի արագ ստորագրվի: Նախօրյակին Բայդենը հանդես Է եկել հայտարարությամբ, որում կոչ Է արել օրենսդիրներին՝ օրինագիծ ընդունել եւ ստորագրման համար իրեն ներկայացնել առաջիկա մի քանի օրերին:
«Մենք չենք կարող թույլ տալ, որ օգնության մեր մատակարարումներն ընդհատվեն, առայժմ մենք սպասում ենք Կոնգրեսի հետագա գործողություններին»,-ասել Է նա: Ինչպես հաղորդվել Է, մայիսի 9-ին Բայդենն արդեն օրենք Է ստորագրել Ուկրաինայի համար «լենդ-լիզ»-ի մասին, որը կոչված Է դյուրացնելու Կիեւին ռազմական օգնության ցուցաբերումը: Կոնգրեսի կայքում փաստաթղթին կից պարզաբանման մեջ ասվում Է, որ այդ օրենքը ԱՄՆ-ի վարչակազմին իրավունք կտա 2023 ֆինանսական տարում ռազմական տեխնիկա տրամադրել Ուկրաինային եւ Արեւելյան Եվրոպայի մյուս երկրներին, հաղորդել Է «Ինտերֆաքս»-ը:
