Ինձ համար պարզ է, որ դուք մեծ վերափոխումերի ջատագով չէ և անհասկանալի է ձեր թեկնածության առաջադրումն իշխող խմբակցության կողմից։ Այս մասին ասաց ԱԺ անկախ պատգամավոր Արման Բաբաջանյանը՝ դիմելով Հաշվեքննիչ պալատի անդամի թեկնածու Գեղամ Հովեյանին։
Պատգամավորը մտաբերեց 2013 թվականը, երբ Հաշվեքննիչ պալատի նախագահ Իշխան Զաքարյանն ԱԺ ամբիոնից հայտարարեց, որ բյուջեն 70 տոկոսով թալանվել է. «Այդ հաշվետվության աշխատանքներին նաև դուք եք մասնակցել։ Հիմա Իշխան Զաքարյանն Արթուր Վանեցյանի շտաբի ղեկավարն է, միացել է այդ նույն քաղաքական թիմին։ Ուզում եմ հասկանալ՝ այդ ծավալների թալան եղե՞լ է, թե՞ ոչ, որովհետև այդ ժամանակ բոլոր հնարավոր միջոցներով ծածկադմփոց էր արվում այդ թեման։ Կարծում եմ՝ նախընտրական այս ժամանակահատվածում հետաքրքիր կլինի ձեր գնահատականը»,-հետաքրքրվեց Արման Բաբաջանյանը։
