Եվրամիությունն ԱՄՆ-ին, Նորվեգիային եւ Կանադային կթույլատրի անդամակցել Անվտանգության եւ պաշտպանության ոլորտում մշտական կառուցավորված համագործակցության (PESCO) ռազմական ծրագրին, որը նպատակամղված Է ուժերի ծավալման օպերատիվ հնարավորությունների ընդլայնմանը: Մայիսի 5-ին այդ մասին հայտնել Է Reuters գործակալությունը՝ վկայակոչելով Եվրամիության աղբյուրներ:
Միության անդամ երկրների պաշտպանության նախարարների կողմից այդ որոշման ընդունումը սպասվում Է մայիսի 6-ին: «Դա շատ կարեւոր Է անդրատլանտյան համագործակցության եւ Եվրամիության երկրների եւ ՆԱՏՕ-ի գծով նրանց դաշակիցների միջեւ արդյունավետ փոխգործակցության համար»,- մեջբերում Է գործակալությունն աղբյուրի խոսքը: Նրա տվյալներով՝ PESCO-ի գլխավոր նպատակը ԵՄ-ի անդամների միջեւ տեղեկատվության փոխանակման գործընթացի կատարելագործումն Է եւ սահմաններին բյուրոկրատական ընթացակարգերի թուլացումը, ներառյալ մաքսային կանոնների համաձայնեցումը՝ Եվրոպայում ՆԱՏՕ-ի ռազմական տեխնիկայի արագ ծավալման եւ անդրսահմանային տեղափոխման պարզեցված կարգի ապահովման համար:
Աղբյուրը չի բացառել, որ ծրագրին կարող են միանալ նաեւ ԵՄ-ի մեջ չմտնող այլ պետեություններ: Մասնավորապես խոսքը կարող Է վերաբերել Եվրամիությունը լքած Մեծ Բրիտանիային, թեեւ, աղբյուրի տեղեկատվությամբ՝ այդ հարցի շուրջը բանակցություններ նրա հետ առայժմ չեն վարվել: PESCO ծրագիրը ԵՄ-ն հաստատել Է 2017 թվականին՝ պաշտպանունակության, եվրոպական ռազմական գործողությունների համար դրա մատչելիության համատեղ զարգացման համար: Ծրագրին իրենց մասնակցությունն են հավաստել Եվրամիության 25 երկրները: Բրյուսելում ընդգծում են, որ PESCO-ն չի դառնա ՆԱՏՕ-ի մրցակիցը, հաղորդել Է ՏԱՍՍ-ը:
