ԱՄՆ պետքարտուղար Էնթոնի Բլինկերը կարծում է, որ ամերկա-չինական կոնֆլիկտի բռնկման դեպքում այն կհակասի երկու պետությունների շահերին։ Այս մասին նա ասել է CBS News-ին տված հարցազրույցում։
«Դրան հասնելը կամ նույնիսկ այդ ուղղությամբ շարժվելը խորապես հակասում է ինչպես Չինաստանի, այնպես էլ ԱՄՆ-ի շահերին»,-հայտարարել է նա։
Բլինկենը նշել է, որ վերջին մի քանի տարիներին իրենք ականատես են դարձել այն բանի, որ Չինաստանն իրեն տանը պահում է ավելի բռնաճնշող, արտերկրում՝ ավելի ագրեսիվ։
Պետքարտուղարը նաև հայտնել է, որ նախագահ Ջո Բայդենի վարչակազմը մտավախություն ունի՝ կապված Չինաստանի կողմից մտավոր սեփականության գողության հետ։ Նա մեղադրել է Պեկինին անարդար և թշնամական մրցակցության մեջ։
Բլինկենի խոսքով՝ Վաշինգտոնը «համախոհների և այլ վիրավորված երկրների հետ պետք է Չինաստանին ասի, որ դա այդպես չպետք է շարունակվի»։
ԱՄՆ պաշտպանության առաջին փոխնախարար Քեթլին Հիքսն ապրիլի 30-ին հայտարարել էր, որ ԱՄՆ-ը չի կարծում, թե Չինաստանի հետ զինված հակամարտությունն անխուսափելի է։ Նա նշել էր, որ պետությունները պետք է փորձեն խուսափել անհարկի էսկալացիայից։