Հնդկաստանի առողջապահության եւ ընտանիքի բարեկեցության նախարարությունն անցյալ օրն արձանագրել Է կորոնավիրուսով ախտահարման 386 452 դեպք, համաճարակի ամբողջ ժամանակամիջոցում վարակվածների ընդհանուր թիվը երկրում հասել Է 18 762 976-ի: Ինչպես ապրիլի 30-ին գերատեսչությունը հաղորդել Է պաշտոնական կայքում, կորոնավիրուսային վարակի հետ կապված մահացու վախճանների քանակը 24 ժամում աճել Է 3 498-ով եւ կազմել 208 330:
Այսպիսով, Հնդկաստանում երրորդ օրն անընդմեջ եւ ութերորդ անգամ ապրիլին նշվել են վարակվածների օրական աճի ռեկորդային ցուցանինշներ: Նախորդ համաշխարհային հակառեկորդը նշվել Է ապրիլի 29-ին եւ կազմել ախտահարման 379 257 նոր դեպք:
Նաեւ հակառեկորդներ են նշվել ապրիլի 28-ին (360 960 նոր դեպք), ապրիլի 26-ին (352 991), ապրիլի 25-ին (349 691), ինչպես նաեւ ապրիլի 24-ին (346 786), ապրիլի 23-ին (332 730) եւ ապրիլի 22-ին (314 835): Մահացու վախճաններ օրական թիվն ապրիլի 29-ի համեմատությամբ (այդ ժամանակ նշվել Է 3 645 մահացու վախճան) փոքր-ինչ նվազել Է, սակայն արդեն երրորդ օրը շարունակ այդ ցուցանիշը գերազանցում Է 300 հազարը: Միեւնույն ժամանակ ապաքինվածների թիվը մեկ օրում ավելացել Է 279 540-ով եւ հասել 15 384 418-ի: Բուժման մեջ Է գտնվում 3 170 228 կորոնավիրուսով հիվանդ, ինչը 85 414-ով ավելի Է, քան մեկ օր առաջ:
Հնդկաստանում վերջին 24 ժամում կորոնավիրուսային վարակի դեմ պատվաստում Է արել 2 224 548 մարդ: Պատվաստված քաղաքացիների ընդհանուր թիվը կազմել Է 152 245 179: Մայիսի 1-ից Հնդկաստանում պետք Է սկսվի պատվաստման ազգային արշավի նոր փուլը, որի ընթացքում կթույլատրվի պատվաստվել 18 տարին բոլորած բոլոր քաղաքացիներին: Այժմ առայժմ թույլատրված Է պատվաստվել 45 տարեկանից բարձր բոլոր քաղաքացիներին, հաղորդել Է ՏԱՍՍ-ը:
