Ադրբեջանական APA լրատվական գործակալության փոխանցմամբ՝ օգոստոսի 12-13-ին Ղազախստանի մայրաքաղաք Աստանայում տեղի է ունենալու ՀԱՊԿ անդամ երկրների ոչ պաշտոնական գագաթնաժողովը։
ՀԱՊԿ անդամ երկրների նախագահները քննարկելու են տարածաշրջանային անվտանգությանն ու միջազգային ահաբեկչության դեմ պայքարին առնչվող խնդիրներ։ Ակնկալվում է, որ ՀԱՊԿ գագաթնաժողովի շրջանակներում անցկացվելու են մի շարք եկկողմ հանդիպումներ, այդ թվում նաև Ռուսաստանի ու Հայաստանի նախագահների հանդիպումը, ուր քննարկվելու է ղարաբաղյան հակամարտության կարգավորումը։
Հիշեցնենք, որ վաղը Սոչիում տեղի է ունենալու Ռուսաստանի ու Ադրբեջանի նախագահների հանդիպումը, ինչը տեղի է ունենալու Մեդվեդևի հրավերի հիման վրա։