Թուրքիան ուսումնասիրում է այլ երկրների զորակոչի փորձը

Թուրքական Haber Türk թերթի փոխանցմամբ՝ Թուրքիայում սկսել են ուսումնասիրել արտասահմանյան մի շարք երկրներում, այդ թվում՝ նաև Ադրբեջանում գործող զինծառայության փորձը։ Զինված ուժերի կոմպլեկտավորման հետազոտմամբ զբաղված է Թուրքիայի Ազգային մեծ ժողովը (ԹԱՄԺ)։

Թուրքիայի փոխվարչապետ Բեքիր Բոզդաղը հայտարարել է, որ կառավարությունը շարունակում է աշխատանքներ տանել զինծառայության ժամկետի կրճատման վրա։

Նշվում է, որ ՆԱՏՕ-ի անդամ 28 երկրներում պարտադիր զորակոչը, Թուրքիայից բացի, պահպանվել է նաև Հունաստանում, Նորվեգիայում և Էստոնիայում։

Հիշեցնենք, որ մոտ 20 օր առաջ թուրքական Sabah թերթը գրել էր, որ Թուրքիայի զինված ուժերի անձնակազմը կազմում է 789,000 մարդ, ինչով Թուրքիան աշխարհում զբաղեցնում է 6-րդ, իսկ ՆԱՏՕ-ում՝ 2-րդ տեղը։