Անկարան պետք է հրաժարվի Ռուսաստանի տարածքի մասին երազանքներից, որոնք, ըստ թուրքական լրատվամիջոցների, պետք է Թուրքիայի մաս դառնան 2050 թվականին: Այս կարծիքն է հայտնել Ղրիմի խորհրդարանի ժողովրդական դիվանագիտության և ազգամիջյան հարաբերությունների հանձնաժողովի ղեկավար Յուրի Գեմպելը, հայտնում է ՌԻԱ Նովոստին:
Ըստ նրա՝ «նման չափից դուրս ախորժակը կարող է գերլարում առաջացնել»:
Կոմիտեի ղեկավարը նշել է, որ թուրքական կողմի պնդումները ծիծաղելի են թվում:
«Հիմա Ղրիմը Ռուսաստանի իրավական մասն է: Ռուսաստանը Ուկրաինա չէ, այդպիսի կուլիսային խաղերը նրա հետ չեն անցնի », – շեշտել է Գեմպելը:
Ավելի վաղ TGRT1 հեռուստաալիքի եթերում ցուցադրել էին 2050 թվականի քարտեզը, որում Թուրքիայի կազմում ներառված են Ռուսաստանի և այլ պետությունների տարածքները։ Ըստ քարտեզի՝ մինչև 2050 թվականը դրանում կընդգրկվեն Հյուսիսային Աֆրիկայի, Մերձավոր Արևելքի, նախկին ԽՍՀՄ-ի մի շարք պետություններ, ինչպես նաև Ռուսաստանի հարավի տարածաշրջաններ, ներառյալ Ղրիմը, Կուբանը, Ռոստովի մարզը և Հյուսիսային Կովկասի հանրապետությունները:
