Եռակողմ ստորագրված փաստաթղթից մեկ ամիս է անցել։ Այս ընթացքում մենք ի՞նչ հետևություններ ենք արել, ի՞նչ փոփոխություններ են տեղի ունեցել, ովքե՞ր են պատասխանատվության ենթարկվել։ Մենք կորցրինք Արցախը, սակայն թշնամին շարունակում է սպառնալ։
Ինչպիսի՞ն են ձեր դիտարկումները․ «Առաջին լրատվական»-ի հարցին «Ժառանգություն» կուսակցության նախկին նախագահ Արմեն Մարտիրոսյանը պատասխանեց․ «Նախ ուզում եմ խորին ցավակցություն հայտնել զոհվածների ընտանիքներին։ Իսկապես, մենք ազգային մեծ սերուցք կորցրինք։ Հայրենիքի պաշտպանությունն առանց մեծ զոհերի չի լինում, հատկապես այն դեպքում, երբ ղեկավարությունը շատ կոպիտ սխալներ է արել, որը տարիներ շարունակ համակարգային բնույթ է կրել՝ առանց բացառության որևէ իշխանության։ Երևի այս պարագայում Լևոն Տեր-Պետրոսյանի իշխանությունը որոշակիորեն մի կողմ դնենք, որովհետև նրա իշխանության ժամանակահատվածում, կարծեք թե, բանակի ստեղծման առաջին քայլերն էին իրականացվում։ Բայց, երևի թե, այդ ժամանակահատվածում մի փոքր հիմքը սխալ դրեցինք։
Համենայնդեպս, ես այն կարծիքին եմ, որ դասեր, այնուամենայնիվ, չենք քաղել։ Խոր մտահոգություն ունեմ այդ առումով, որովհետև քննարկումները, որոնք տեղի են ունենում կամ տեղի չեն ունենում պետական մակարդակում, շատ մակերեսային են և, ըստ էության, երևի թե չեն պատասխանում այն մարտահրավերներին, որոնք կան ու շարունակում են լինել մեր պետականության համար, մեր ժողովրդի համար։ Ես հիմա տեսնում եմ դիսկուրս, որ Հայաստանն իր անկախությունը զիջի՝ որոշումներ ընդունելու իրավունքը կարծեք արդեն զիջել է Ռուսաստանին»։
Մանրամասները՝ տեսանյութում։
