Չինաստանում կորոնովիրուսով վարակվածների թիվը գերազանցել է 44,6 հազարը, 1113-ը մահացել են, բուժվել է 4740 մարդ: Այս մասին հայտնել է Չինաստանի Հիգիենայի և առողջապահության հարցերի պետական կոմիտեն:
Փետրվարի 11-ին գերատեսչությունը հայտնել էր ավելի քան 42,6 հազար ախտահարվածների, 1016 զոհերի և 3996 բուժվածների մասին: Նորացված տվյալների համաձայն՝ երկրում կորոնավիրուսից մահացության պաշտոնական ցուցանիշը կազմում է 2,49 տոկոս:
Տարածաշրջանների թվում վարակվածների քանակով առաջին տեղն զբաղեցնում է Հուբեյի նահանգը, որտեղ արձանագրված է 33,3 հազար ախտահարված, նրանցից 1068-ը մահացել են, ապաքինվել է 2639 մարդ: Պեկինում վարակվածների թիվը կազմում է 342, նրանցից 48-ն արդեն դուրս են գրվել հիվանդանոցից, մահացել է երեք մարդ: Պաշտոնական տվյալների համաձայն՝ երկրում բժիշկների հսկողության տակ է գտնվում ավելի քան 185 հազար բնակիչ, որոնք սերտ շփում են ունեցել ախտահարվածների հետ: