Մենք սովոր ենք, որ մեր ավանդական Ամանորն ու Սուրբ Ծնունդը զարդարված տոնածառն է, ճոխ սեղաններն ու շամպայնը: Հետաքրքիր է իմանաալ, թե ինչպես են տոնում ամանորը աշխարհի տարբեր երկրներում:
Իսպանիա
Իսպանիայում Նոր տարին տոնելու ամենահայտնի ավանդույթն է. ժամացույցի զարկերի ընթացքում պետք է հասցնել 12 խաղող ուտել ամեն մի հարվածի հետ՝ 12 վայրկյանի ընթացքումն և երազանք պահել: Իսկ հետո բոլորը հավաքվում են քաղաքային հրապարակներում:
Իտալիա
Իտալիայում Նոր տարուն ազատվում են հավաքված անպետք իրերից: Այստեղ ամեն բան պատուհանից են ցած նետում: Իսկ նվերները երեխաներին բերում է ոչ թե Սանտա Կլաուսը, այլ Փերի Բեֆանան, որը գալիս ավելի վրա թռչելով և նվերները դնում է գուլպաների մեջ:
Ճապոնիա
Ճապոնիայում տոնը սկսվում է դեկտեմբերի 25-ից և տևում է գրեթե մեկ ամիս: Ճապոնացիներն այս ընթացքում զարդարում են իրենց տները բամբուկով և սալորի ճյուղերով. Սա հարստություն, բարօրություն և սեր է խորհրդանշում: Սեղանին լապշա է, կարպ և լոբի: Նաև Նոր տարին նոր հագուստով են դիմավորում: Սեղանին հնարավորինս շատ նոր սպասք և զարդարանքներ են դնում:
Հունաստան
Այստեղ հունվարի 1-ին ոչ միայն Նոր տարին են նշում, այլև սուրբ Վասիլիի հիշատակի օրը, որը աղքատների հովանավորն է: Հիմնական տոնական ուտեստը վասիլիպոտան է՝ հատապտուղներով և ընկույզով պիրոգ՝ զարդարված խմորից նախշերով: Իսկ ներսում մետաղադրամ է դրվում, ում որ ընկնի այն, նա էլ այդ տարին ամենաերջանիկը կլինի: Նվերներն էլ է Վասիլին բերում և պահում է կոշիկների մեջ:
Անգլիա
Անգլիայում դեկտեմբերի 31-ին վերմակներով ծածկում են զանգերը, որպեսզի նրանք իրենց ամենժամյա զնգոցով չշեղեն բնակիչներին տոնական պատրաստություններից: Իսկ կեսգիշերից առաջ արդեն բոլոր ծածկոցները հավաքում են: Ի դեպ, 1843 թվականին հենց անգլիայում է սկիզբ դրվել ամանորյա բացիկներով փոխանակվելու ավանդույթը:
Ֆրանսիա
Ֆրանսիայում Սուրբ Նիկոլայը դա Պեր Նոյելն է: Նա նույնպես նվերները կոշիկի մեջ է թողնում: Սեղանին պետք է անպայման ձուկ լինի: Իսկ որպես աղանդեր պիրոգ է մատուցվում, որի ներսում հախճապակե ֆիգուր է: Ում որ այն ընկնի, նա էլ կլինի տոնական երեկոյի «թագավորը»:
Գերմանիա
Գերմանիայում հավատում են, որ Սանտա Կլաուսը իշուկի վրա է տեղաշարժվում: Այդ պատճառով երեխաները հաճախ տոնածառի կողքին դարման են թողնում, որպեսզի հյուրասիրեն նրան:
Բրազիլիա
Բրազիլիայում տոնի խորհրդանիշը ոսպն է: Դրանից ապուր են պատրաստում և հյուրասիրում անօթևաններին: Իսկ ծովափին ուրախ դիմակահանդեսներ են կազմակերպվում:
Ավստրիա
Ավստրիայում քաղաքացիները հավաքվում են Վիենայի Սբ. Ստեփանոսի հրապարակում: Նրանք գալիս են, որպեսզի լսեն գլխավոր զանգակատան զանգերի ձայնը, որի մեղեդին հաջողություն է բերում նոր տարում: Այստեղ սեղանի խորհրդանիշը կաթնային խոզուկն է, որը հաջողություն է բերում: Այս խոզուկներին պատրաստում են շոկոլադից, խմորից և մարցեպանից: