Դիսփլեյների խոշորագույն արտադրող Japan Display (JDI) ընկերությունը մտադիր է վաճառել Հակուսանեում գտնվող իր գործարանը՝ հայտնում է Nikkei-ն: Գնորդները, ըստ գործակալության աղբյուրների, կարող են լինել Apple-ը և Sharp-ը: Գործարքի գումարը կարող է հասնել 820 միլիոն դոլարի:
Japan Display-ը Apple սմարթֆոնների, մասնավորապես iPhone 11-ի էկրանների հիմնական մատակարարն է: Sharp-ը, որը նաև ամերիկյան արտադրողի մատակարար է, արդեն հաստատել է, որ ուսումնասիրում է JDI գործարանը գնելու տարբերակը: JDI-ը հայտարարել է, որ ընկերությունը «քննարկում է գործարանի հետ կապված բոլոր տարբերակները, բայց դեռ վերջնական որոշում չի կայացվել»: