ՀՀ ԱԺ պատգամավոր, Հայաստանի երիտասարդական հիմնադրամի հոգաբարձուների խորհրդի համակարգող Կարեն Ավագյանը, որը մասնակցում էր ավանդական ջահերով երթին` նվիրված Մեծ Եղեռնի զոհերի հիշատակին, «Առաջին լրատվական»-ի հետ զրույցում նշեց, այս տարիների ընթացքում եղել են երկրներ, որոնք ճանաչել են Հայոց ցեղասպանությունը, և չկա որևէ երկիր, որտեղ կասկած լինի, որ տեղի է ունեցել Ցեղասպանություն: «Մեր բոլորի գործն է, անկախ կուսակցական, անձնական և խմբակային շահերից, պետք է համախմբվենք հանուն արդարության, հանուն ճշմարտության, Թուրքիայից պահանջը մեկն է՝ ճանաչում և դատապարտում, ճանաչում և փոխհատուցում»:
Իսկ այն առնչությամբ, որ Դաշնակցությունն այսօր նույն բեմահարթակում կանգնած է իրենց հետ և պահանջում է Սերժ Սարգսյանից հետ վերցնել հայ-թուրքական արձանագրություններից ստորագրությունը, Կարեն Ավագյանը նշեց, որ չեն կիսում այս կարծիքը, սա ՀՅԴ երիտասարդական կազմակերպության նախաձեռնությունն է:
Հարցազրույցն ամբողջությամբ՝ տեսանյութում:
