Դերասան Ռիչարդ Գիրը դեռ չի հասցրել ձևակերպել ամուսնալուծության բոլոր անհրաժեշտ փաստաթղթերը, սակայն արդեն գտել է Քերի Լոուլին փոխարինողի, ով նրան հավատարիմ էր վերջին 18 տարիներին: Ռիչարդը հանդիպում է հաղորդավարուհի, դերասանուհի և նախկին մոդել Պադմա Լակշմիի հետ՝ հայտնում է spletnik.ru-ն՝ հղում անելով բլոգեր 13-AM-ին:
Տեղյակ աղբյուրը հայտնել է. «Նրանց ռոմանտիկ հարաբերությունները բոլորովին վերջերս են սկսվել: Դա ինչ-որ նոր և անորոշ բան է: Ես նույնիսկ նրանց զույգ չէի անվանի, թեկուզ նրանք հանդիպում են: Պադման չի պատրաստվում շտապել, նա շատ զգուշավորությամբ է վերաբերվում այդ հարցին: Նրանք պարզապես ցանկանում են միմյանց ավելի լավ ճանաչել և իրար հետ հրաշալի ժամանակ են անցկացնում»,- ասել է աղբյուրը:
Գիրի նոր կիրքը երկու անգամ ամուսնացած է եղել, առաջին անգամ՝ գրող Սալման Ռուշդիի հետ, երկրորդ անգամ՝ միլիարդատեր Թեդի Ֆորսթմանի հետ:
Ներկայումս Լակշմին ապրում է Նյու Յորքում 3 տարեկան դստեր՝ Կրիշնայի հետ, որի հայրը Ադամ Դելլն է:
Գիրը ևս երկու անգամ ամուսնացած է եղել, առաջին անգամ՝ սուպերմոդել Սինդի Քրոուֆորդի հետ, երկրորդ անգամ՝ Քերի Լոուելի հետ: Նրանց սիրուց ծնվել է որդին՝ Հոմեր Ջեյմս Ջիգմին:
Սինդի Քրոուֆորդը և Ռիչարդ Գիրը
Քերի Լոուելը և Ռիչարդ Գիրը
