Իրանը մտադիր չէ զսպել իր հրթիռային ծրագիրը, չնայած եվրոպական երկրների կողմից փորձարկումները դադարեցնելու կոչերին:
Ավելի վաղ եվրոպական երկրների եռյակը նախազգուշացրել էր ՄԱԿ-ին, որ Իրանը միջուկային մարտագլխիկ տեղափոխելու ունակ նոր սերնդի բալիստիկ հրթիռներ է մշակում, ինչը հակասում է ՄԱԿ-ի Անվտանգության խորհրդի ընդունած բանաձևին:
ՄԱԿ-ին նամակով դիմել են Ֆրանսիան, Գերմանիան և Բրիտանիան: Դիվանագետները նշել են, որ Իրանը «Շահաբ-3» միջին հեռահարության նոր տիպի բալիստիկ հրթիռ է փորձարկել:
ՄԱԿ-ում Իրանի մշտական ներկայացուցիչը պատասխանել է նամակին՝ հայտարարելով, որ Իսլամական հանրապետությունը չի պատրաստվում կասեցնել հրթիռային ծրագրի զարգացումը:
Իրանի արտգործնախարար Ջավադ Զարիֆը ՄԱԿ-ին ուղղված նամակն անվանել է «եվրոպական տերությունների բացահայտ սուտ՝ միջուկային գործարքի շրջանակներում սեփական պարտավորությունների կատարման անկարողությունը քողարկելու նպատակով»:
Latest E3 letter to UNSG on missiles is a desperate falsehood to cover up their miserable incompetence in fulfilling bare minimum of their own #JCPOA obligations
If E3 want a modicum of global credibility, they can begin by exerting sovereignty rather than bowing to US bullying. pic.twitter.com/QtfZFnLpO5
— Javad Zarif (@JZarif) December 5, 2019