57 տարեկան հասակում Վանկուվերում մահացել է Spirit of the West կանադական ռոք-խմբի ֆրոնտմեն Ջոն Մանը: Այդ մասին հայտնել Է ETCanada-ը:
Մահվան պատճառը դարձել է վաղ սկսված Ալցհեյմերի հիվանդությունը: Այդ ախտորոշումը նրան տրվել էր 2014 թվականին:
«Ջոնն արտասովոր արիության տեր էր, հավատարիմ ու սիրելի ընկեր, ջենտլմեն: Բայց ամենագլխավորը, որ նա սիրող հայր էր և հիանալի ամուսին»,- գրել է ռադիոհաղորդավար և խմբի ներկայացուցիչ Էրիկ Ալփերը:
Ջոն Մանը ծնվել է 1962 թվականին Կալգարի քաղաքում (Կանադա): 80-ական թվականներին նա սովորելու է մեկնել Վանկուվեր, որտեղ 1983 թվականին հիմնել է Spirit of the West խումբը, որը ամենահաջողակներից մեկն է դարձել Կանադայում:
Առավել տարածված են համարվում Political եւ Home For a Rest երգերը:
Մանը նաեւ դերասան էր: Հանդես է եկել Վանկուվերի թատերական բեմադրություններում և էպիզոդիկ դերերում նկարահանվել «Ռադիկի խրոնիկաները» (2004 թ.) և «Այլ աշխարհ. էվոլյուցիա» (2006 թ.) ֆիլմերում:
