«Ներկայացում անվանելը չափազանց է, այն կադրերը որոնք պտտվում էին համացանցում, ներկայացման տպավորություն չթողեցին, ավելի շատ ինստալացիա էր, ոչ թե պերֆոմանս: Պրոֆեսիոնալ չէր այն, ինչ տեղի էր ունենում: Բայց ինչն է հետաքրքիր. դարի այսօրվա ցավը ուշադրություն գրավելն է: Վերջին 20 տարվա ընթացքում ես չէի լսել, որ այսպիսի աղմուկ բարձրանար որևէ ներկայացման, ինստալյացիայի կամ համերգի շուրջ: Եթե այս երիտասարդների գերնպատակը ուշադրություն գրավելն էր, ապա այն իրականացավ»,- «Առաջին լրատվական»-ի հետ զրույցում այս մասին ասաց ռեժիսոր, բեմադրիչ Սուրեն Շահվերդյանը՝ անդրադառնալով դիտարկմանը, որ թեև հեղինակների կարծիքով «ՀուԶանք և Զանգ»-ը 1920-ական թվականների ֆուտուրիստական պոեզիայի՝ էքսպերիմենտալ վերընթերցում էր, սակայն շատերի կողմից սվիններով ընդունվեց:
Այս օրերին շատերը պահանջում էին ԿԳՄՍ նախարարի հրաժարականը: Նախարարը հայտարարեց, որ արվեստը լինելու է ազատ և որ իր օրոք մշակույթի ոլորտում ցենզուրա չի լինելու: Անդրադառնալով այս դիտարկմանը՝ Ս. Շահվերդյանը նշեց, որ արվեստում միանշանակ ցենզուրա չպետք է լինի, արվեստագետը պետք է ամեն ինչի մասին խոսի ազատ, իր մեջ ներքին ցենզուրա պետք է ունենա:
Սուրեն Շահվերդյանի խոսքով՝ ողջունելի է, որ այսօր ֆինանսավորվում են ոչ թե ակադեմիական, այլ այլընտրանքային ներկայացումներ:
Մեր զրուցակիցը նաև ընդգծեց, որ մշակույթը պետք է խոսի իշխանության բացերի մասին և ոչ թե հաճոյանա:
Մանրամասն՝ տեսանյութում: