Մեր երկրում վերջին ամիսներին շատ բան է փոխվել՝ կապված երիտասարդական ընդվզումների, պառլամենտում 4 ոչ իշխանական ուժերի համախմբման և Ռուսաստանի հետ կապված զարգացումների պատճառով Հայաստանի տնտեսության վատթարացման հետ: Այս կարծիքին է ՀՀ ԿԲ նախկին նախագահ Բագրատ Ասատրյանը: «Առաջինը այս երիտասարդական շարժումն է, ես կարծում եմ, որ տեսանելի է՝ այն սարսափեցնում է իշխանությանը: Ձևավորվել է մի հատված, որը քաղաքական դեռ որոշակիություն չունի բայց ապագայի նկատմամբ պահանջ է դնում և շատ տեղին, գործնական ու արդյունավետ: 150 դրամի դեմ պայքարը շատ լուրջ երևույթ էր, նույնը նաև՝ կենսաթոշակայինի հետ կապված շարժումը:
Երկրորդ՝ քաղաքական դաշտում փոփոխություններ են տեղի ունեցել, վերակազմավորումը պառլամենտի ընդդիմադիր ուժերի շաչքում պետք է նկատել: Երրարոդը՝ Հայաստանը գտնվում է շատ բարդ վիճակում՝ քաղաքական, ռազմական և տնտեսական: Այս տարի Հայաստանի տնտեսությունը վնասով է ավարտելու: Բոլորս հասկանում ենք, որ այս տարի էլի ավարտելու ենք արտագաղթի սարսափելի մեծ թվերով: Բոլորս սարսափած սպասում ենք՝ տեսնենք Ռուսաստանի պառլամենտում էդ արագացված քաղաքացիության կարը ինչպես է ընդունվելու և քանի տասնյակ հազարավոր քաղաքացի է կորցնելու Հայաստանը»,- ասաց Բ. Ասատրյանը:
Տնտեսագետի խոսքով՝ նախատեսված 5.2% տնտեսական աճը ոչ միայն չի կատարվի, այլև Հայաստանի տնտեսությունը 2014-ին անկում կապրի 1-3%-ով:
