Իսրայելը որոշում է ընդունել 26 պաղեստինցի բանտարկյալների խմբի ազատ արձակումը վերջնականապես չեղյալ հայտարարելու մասին: Նրանք պետք է բանտից ազատվեին 8 ամիս առաջ սկսված խաղաղ գործընթացի շրջանակում: Այս մասին հայտարարել է Իսրայելի արդարադատության նախարար Ցիպի Լիվնին, ով գլխավորել է բանակցություններին իսրայելական պատվիրակությունը՝ փոխանցում է ITAR-TASS-ը:
«Ստեղծված պայմաններում Իսրայելը չի կարող բանտարկյալների չորրորդ խմբի համաներում անցկացնել»,- ասել է Լիվնին:
Ինչպես պարզաբանել է նախարարի մամլո ծառայությունը, 26 պաղեստինցիներին ազատ արձակելուց հրաժարվելը Իսրայելի արձագանքն է երեքշաբթի երեկոյան Պաղեստինի առաջնորդ Մահմուդ Աբասի կողմից միջազգային 15 կոնվենցիաներին միանալու մասին փաստաթղթերի ստորագրման դիմաց:
Լիվնին պաղեստինյան ղեկավարությանը կոչ է արել վերանայել այդ քայլը:
