Այսօր՝ սեպտեմբերի 11-ին, Ազգային ժողովում շարունակվում են աշխատանքները: Այժմ քննարկվում է Կենտրոնական բանկի խորհրդի անդամի ընտրության հարցը: ԱԺ ֆինանսավարկային և բյուջետային հարցերի հանձնաժողովը ԿԲ խորհրդի անդամի պաշտոնում առաջարկել է Հասմիկ Ղահրամանյանի թեկնածությունը:
«Ի՞նչ կարծիք ունեք Դուք Կենտրոնական բանկի մանդատի հնարավոր ընդլայնման վերաբերյալ»,- թեկնածուին հարցրեց ԱԺ նախագահ Արարատ Միրզոյանը:
ԱԺ նախագահի դիտարկմամբ՝ ԿԲ-ի չափազանց պահպանողական և ամուր լինելու հետևանքով գների կայունության նպատակը գերիշխում է տնտեսական աճի նպատակին, և դրանից որևէ մեկը չի շահում:
Ի պատասխան՝ թեկնածուն ասաց, որ Արարատ Միրզոյանը արծարծում է իր թեկնածուական թեզի թեման, որի ապացույցները ինքը կարող է երկար ներկայացնել. «Ցանկացած ներդրողի համար կարևոր է գնաճի կանխատեսելիությունը»:
«Սա հավերժ վեճ է, այսօր չենք սպառի»,- արձագանքեց ԱԺ նախագահը:
Մանրամասները՝ տեսանյութում: