Պետական անվտանգության ծառայությունը ձերբակալել է Հայաստանի քաղաքացու՝ ռադիոակտիվ նյութերի ապօրինի օգտագործման և մաքսային կանոնների խախտման փաստով, հաղորդում է ՊԱԾ-ը:
Գերատեսչության տվյալներով, պետական անվտանգության ծառայության հակահետախուզության վարչությունը հետաքննություն է սկսել ռադիոակտիվ նյութերի ապօրինի օգտագործման և Վրաստանի մաքսային սահմանով ապրանքների տեղափոխման կանոնների խախտման հետ կապված, հիմք ընդունելով «Սադախլո» անցակետում ճառագայթման հայտնաբերման պորտալի գրանցած տագնապի ահազանգը:
«Հետաքննությունը պարզել է, որ Հայաստանի քաղաքացու կողմից վարվող միկրոավտոբուսը փորձել է Վրաստանով Հայաստանից ՌԴ տեղափոխել չորս փաթեթում տեղավորված «թորիում» նյութը: Փորձաքննության արդյունքում պարզվել է, որ փաթեթների ընդհանուր քաշը 71.63 կգ է, և դրանք «թորիում 232» ռադիոակտիվ իզոտոպ են պարունակում», որը պատկանում է միջուկային նյութերի կատեգորիային:
Փաթեթների մակերևույթին ճառագայթման հզորությունը կազմել է մոտ 18 µSv/ժամ: Հատկանշական է, որ առավելագույն անվտանգ հզորությունը 0.5 μSv/ժամ է: Առգրավված նյութը սպառնալիք է մարդու կյանքի և առողջության համար: Հետաքննության ընթացքում ձերբակալվել է բեռի սեփականատեր, Հայաստանի քաղաքացի Միլիտոս Մ.-ն, որին Թբիլիսի քաղաքային դատարանը ազատազրկման է դատապարտել»,- հայտարարել է ՊԱԾ-ը:
Հետաքննությունը վարում է պետական անվտանգության ծառայության հակահետախուզության վարչության գլխավոր քննչական վարչությունը: