Նյու Յորքում, այս շաբաթվա ընթացքում երկրորդ անգամ, այրել են ԼԳԲՏ-ի դրոշը, հաղորդում է The Hill-ը:
Միջադեպը տեղի է ունեցել աֆրոամերիկյան Հարլեմ շրջանում, գեյ-ակումբի մոտակայքում: «Պետք է նշեմ, որ այս իրադարձությունների ժամանակը ինձ տարօրինակ է թվում: Առաջին այրումը տեղի է ունեցել փրայդի սկզբում (քաղաքում անցկացվող միջոցառում ի աջակցություն գեյերի), իսկ երկրորդը՝ վերջում:
Մենք պետք է ինքներս մեզ հարց տանք, թե կա արդյոք որևէ ազդանշան, որը նրանք փորձում են ուղարկել»,- ասել է հաստատության սեփականատեր Ալեքսեյ Մինկոն:
Նշվում է, որ առաջին նման միջադեպը արձանագրվել է մայիսի 31-ին՝ գեյ-փրայդի մեկնարկից մեկ օր առաջ: Երկու միջադեպերն էլ հետաքննվում են որպես սեռական կողմնորոշման նկատմամբ ատելության հողի վրա կատարված հնարավոր հանցագործություն:
2019 թ.-ին ԼԳԲՏ ակտիվիստներն ու նրանց համակիրները նշել են Նյու Յորքի Սթոունվոլյան ապստամբության 50-ամյակը, որը սկիզբ դրեց Միացյալ Նահանգներում սեռական փոքրամասնությունների իրավահավասարության համար պայքարին:
Հունիսին հաղորդվել է, որ ԱՄՆ դիվանագիտական ներկայացուցչությունները Հնդկաստանում և Հարավային Կորեայում բարձրացրել են ԼԳԲՏ համայնքի դրոշները, անտեսելով Սպիտակ տան արգելքը:
