«Կարևոր մի բան՝ Երևան քաղաքում վերջապես հանրային տուալետների խնդիրը ե՞րբ է լուծվելու։ Մենք ուղղակի ծանր վիճակում ենք։ Եվ քաղաքացիները, ասենք, շրջանից եկել են, իջել են, անընդհատ մեզ տուալետի տեղ են հարցնում, չգիտենք նույնիսկ՝ ինչ պատասխանենք»։ Այս խնդրի մասին Ազգային ժողովում քննարկման ժամանակ Երևանի քաղաքապետին ասաց պատգամավոր Սերգեյ Բագրատյանը։
Քաղաքապետ Հայկ Մարությանը պատասխանեց, որ շատ այգիներում այս պահին այդ խնդիրն արդեն կա՛մ լուծված է, կա՛մ լուծման ընթացքում է։ Իսկ քաղաքում ամենուր զուգարաններ ունենալու վերաբերյալ Մարությանը տարբերվող տեսակետ հայտնեց։ Նա ասաց, որ ծրագիր ունեն դրա վերաբերյալ:
