Պատմաբան Վահրամ Թոքմաջյանի կարծիքով՝ Արցախում չի կարող գոյատևել որևէ իշխանություն, որը լոյալ չէ ՀՀ իշխանությունների նկատմաբ: «Սա ֆիքսենք ու անցնենք առաջ՝ անկախ այն բանից՝ մենք Արցախն ընդունում ենք որպես Հայաստանի անքակտելի մա՞ս, թե՞ տարածաշրջանում երկրորդ անկախ հայկական պետություն։
Մյուս կողմից՝ Արցախի իշխանությունները մտել են շատ վտանգավոր և վատ խաղի մեջ ՀՀ իշխանությունների հետ։ Սա նախևառաջ վնասում է Հայաստանի և Արցախի անվտանգությանը»,- «Առաջին լրատվական»-ի հետ զրույցում ասաց նա։
«Եթե նորից ներկլանային, ներընկերային շահը պետք է վեր դասեն երկու պետությունների ու մի ամբողջ ժողովրդի անվտանգության շահերին՝ ես բան չունեմ ասելու։ Լրջանալու և զսպվելու կոչը պետք է այնտեղ ուղղվի, որպեսզի Արցախի ղեկավարությունը չմիջամտի այս գործընթացներին։ Բայց շատ կարևոր է նաև մյուս կողմը, այսինքն՝ որպեսզի, տվյալ դեպքում, ՀՀ որոշ քաղաքացիներ տաքգլխություն չանեն»,- ասաց մեր զրուցակիցը՝ մեջբերելով վերջին հանրահավաքի կոչերը, ֆեյսբուքյան որոշ օգտատերերի գրառումները։
Հարցազրույցն ամբողջությամբ՝ տեսանյութում