Մոլդովայի ԿԸՀ-ն ամփոփել է ընտրությունների արդյունքները, հաշվել է խորհրդարան անցած բոլոր կուսակցությունների մանդատների քանակը, ինչպես նաև տվյալները Սահմանադրական դատարան փոխանցելու որոշում է կայացրել:
Մոլդովայի սոցիալիստների կուսակցությունն ազգային մակարդակով 18 մանդատ է ստացել, ACUM քաղաքական դաշինքը՝ 14 մանդատ, Մոլդովայի Ժողովրդավարական կուսակցությունը՝ 13, Շոր կուսակցությունը՝ 5, հաղորդում է ՌԻԱ Նովոստին՝ վկայակոչելով ԿԸՀ նախագահին:
Միամանդատային համայնքային ընտրությունները սոցիալիստներին և դեմոկրատներին 17-ական մանդատ են բերել, ACUM դաշինքին՝ 12, Շոր կուսակցությանը՝ 2 մանդատ:
Այսպիսով, խորհրդարանի նոր կազմում կընդգրկվեն 35 սոցիալիստ, 30 դեմոկրատ, ACUM դաշինքի 26 անդամ, Շոր կուսակցության 7 անդամ և 3 անկախ պատգամավոր:
Երկրի Սահմանադրական դատարանը, տեղի օրենսդրության համաձայն, 5 օրվա ընթացքում պետք է որոշում կայացնի խորհրդարանական ընտրությունների օրինականության մասին և հաստատի նոր գումարման պատգամավորների մանդատները:
