Ամերիկյան Royal Caribbean ընկերությանը պատկանող զբոսանավում ավելի քան 600 մարդ վարակվել է աղիքային վարակով: Աս մասին հայտնում են ԱՄՆ հիվանդությունների վերահսկման ու կանխարգելման կենտրոնի մասնագետները՝ տեղեկացնում է ITAR-TASS-ը:
Այսպիսով՝ անցած շաբաթվանից հիվանդների թիվն ավելացել է ավելի քան կրկնակի: Ներկայում փսխումներով ու ստամոքսի խանգարումներով տառապում են 595 ուղևոր ու անձնակազմի 50 անդամ:
Ընդհանուր առմամբ՝ Explorer of the Seas նավի վրա գտնվում է 3050 ուղևոր ու անձնակազմի 1165 անդամ:
Հունվարի 21-ին նավը դուրս էր եկել Բեյոն քաղաքի նավահանգստից ու 10-օրյա շրջագայության մեկնել Կարիբյան ծովով:
Մի քանի օր անց մարդկանց մոտ հայտնվել էին վարակի նշաններ, ինչից հետո վարակվածների թիվը սկսել էր զգալիորեն ավելանալ:
Բժիշկներին դեռ չի հաջողվել պարզել՝ ինչից են հատկապես վարակվել մարդիկ, սակայն ախտանշանները նման են նորովիրուսի, որն առաջացնում է փսխում ու ստամոքսի խանգարում:
