Ամերիկյան մեքենաշինական General Motors (GM) կոնցեռնը հայտնել է շահաբաժինների վճարումը վերսկսելու մասին, ինչը վկայում է ընկերության համար իրավիճակի զգալի բարելավման մասին: Ընկերությունը 2009-ին ստիպված էր եղել դիմել դաշնային կառավարության օգնությանը՝ հաղթահարելու ֆինանսական ծանր դժվարությունները: Այս մասին հայտնում է BBC-ն:
2008-ի հուլիսից ի վեր առաջին անգամ GM-ը սկսում է մեկ բաժնետոմսի դիմաց 0.3 դոլարի չափով շահաբաժին վճարել:
GM-ը ֆինանսա-տնտեսական գլոբալ ճգնաժամի պիկին հայտարարել էր սնանկության մասին և փրկվել կործանումից այն բանից հետո, երբ դաշնային կառավարությունը գնել է ընկերության բաժնետոմսերի մոտ 60 տոկոսը: Ներկայումս կառավարությունը բաժնետոմսերը կրկին բաշխել է մասնավոր ներդրողներին:
Ընկերությունը զգալի հաջողությունների է հասել, մասնավորապես առանցքային շուկաներում՝ ԱՄՆ-ում և Չինաստանոմ վաճառքի լուրջ աճի հաշվին:
Օրերս հաղորդվել էր, որ ընկերությունը 2013-ին վաճառել է 9.71 մլն ավտոմքեենա, ինչը 4 տոկոսով գերազանցում է նախորդ տարվա ցուցանիշը:
