«Հեղափոխությունը դեռևս իր ավարտին հասցված չէ, այսինքն՝ պայքարը այն համակարգի դեմ, որը գործում էր, այն ավարտին կհասցվի ընտրությունների արդյունքներով: Հետևաբար չպետք է հանգստանալ, թուլանալ, պետք է շարունակել պայքարը: Մինչ ընտրությունները ԸՕ-ն կփոփոխվի և կներկայացվի խորհրդարանի դատին, որից հետո արտահերթ ընտրությունների մասին հստակ ժամկետներ կնշվի»,- «Առաջին լրատվական»- ի հետ զրույցում այս մասին ասաց «Ելք» խմբակցության պատգամավոր Էդմոն Մարուքյանը:
«Բազմաթիվ խնդիրներ կան երկրում, միայն կոռուպցիան չէ, պետք է ներդրումներով զբաղվել, փոքր ու միջին բիզնեսների, հարկային դաշտի խնդիրը կարգավորել, ամեն ինչ անել, որ տնտեսությունը սկսի գործել, գործի տնտեսական նոր մոդելը, որտեղ բոլորը հավասար են, որտեղ յուրաքանչյուրի ներդրումը պաշտպանված է, մարդն ավելի շատ է օրենքով պաշտպանված»,- նշեց պատգամավորը:
Նրա դիտարկմամբ՝ տեղի ունեցող բացահայտումները քաղաքական կամքի արդյունք են. «Իրավապահ մարմինները սկսել են գործել քաղաքական կամքի, նոր գործոնների ներքո»:
Մարուքյանի խոսքով՝ չպետք է դիտարկել, որ վերջին շրջանի բացահայտումները միայն ՀՀԿ-ի շուրջ են պտտվում: «Ակնհայտ է, որ ավելի շատ ՀՀԿ-ականներն են հայտնվում, քանի որ նրանք եղել են արտոնյալ: Հիմա օրենքը գործում է ամբողջ խստությամբ, և արտոնյալներն այլևս արտոնյալ չեն»:
Ինչ մտավախություն ունեք՝ ասելով, թե չպետք է լինի այնպես, որ որևէ բարեգործի անունով գրանցվի որևէ դաշինք կամ կուսակցություն: Այս հարցին ի պատասխան՝ Մարուքյանը նշեց. «Մենք լուրջ քննարկումներ ունեցանք: Բարեգործությունը պետք է տարանջատվի քաղաքականությունից: Չպետք է որևէ բարեգործություն դառնա ձայներ հավաքելու մեխանիզմ, ինչպես Տիգրան Կարապետյանն էր անում: Պետք է այնպես անենք, որ ընտրությունները չվերածվեն հեռուստացույցներ կամ էպիլյատորներ բաժանելու կամ այլ միջոցառումների»,
Մանրամասն՝ տեսանյութում:
