Անցյալ տարի ինդոնեզացի 12 տարեկան Արյա Պերմանայի պատմությունը, որն աշխարհի ամենագեր երեխան էր ճանաչվել, ցնցել էր համացանցը։ Այն ժամանակ տղան 192 կգ էր կշռում։ Սակայն այս տարի տղան կորցրել է իր տիտղոսը և բացարձակ չի զղջում։
«Այժմ ես կարող եմ ֆուտբոլ, թենիս, բադմինտոն խաղալ, իսկ ամենագլխավորը, ես հիմա կարող եմ ամեն օր դպրոց գնալ»,– պատմել է երջանիկ տղան հարցազրույցներից մեկում։
Արյան լրիվ նորմալ քաշով էր ծնվել։ Սակայն արդեն երկու տարեկանում նա սկսել է տառապել ավելորդ քաշից։ Ծնողները ժամանակին դրա վրա ուշադրություն չեն դարձրել, իսկ երբ արդեն սկսել են անհանգստանալ, արդեն ի վիճակի չէին ինչ որ բան անել տղայի ուտելու սովորությունների հետ։
Սնունդի քանակը, ընդ որում, հիմնականում անառողջ, որը կուլ էր տալիս Արյան, գերազանցում էր բոլոր խելամիտ չափերը։ Ծնողներն արդեն ի վիճակի չէին նրան ոչ կերակրել և ոչ էլ՝ հագցնել։
Եվ ահա, անցյալ տարի, շնորհիվ այս խնդրի համաշխարհային լուսաբանման, հնարավոր եղավ այս իրավիճակը շարժել մեռյալ կետից։ Արյային ստամոքսի փոքրացման վիրահատություն արեցին։ Այս տարվա ընթացքում տղան նիհարել է 83 կիլոգրամով, որը գրեթե իր նախկին քաշի կեսն է կազմում։ Տղան խոստովանում է, որ ուզում է ևս 50 կիլոգրամ նիհարել, որպեսզի մոտ 60 կգ քաշ ունենա։ Այդ ժամանակ, գտնում է Արյան, ինքն իր կատարյալ քաշին կհասնի։
