Այսօր առավոտյան Թաիլանդում զանգվածային ցույցերի մասնակիցները արգելափակել են ևս մի քանի կառավարական շենքեր՝ դրանց վրա կախելով մի քանի խորհրդանշական կողպեքներ: Այս մասին հաղորդել է Associated Press-ը: Շաբաթօրյա բողոքի միջոցառումները խաղաղ են սկսվել, չնայած ուժի կիրառման աճող վտանգին:
Ցուցարարները մոտեցել են Հատուկ հետաքննությունների դեպարտամենտի շենքին և փորձել են բացել կենտրոնական մուտքի փականը, ինչը, սակայն, չի հաջողվել: Արդյունքում նրանք իրենց փականն են կախել հաստատության դռան վրա ու հեռացել:
Նրանց հաջորդ թիրախը պետական հեռահաղորդակցության կենտրոնական գրասենյակներն էին: Դրանց դռների վրա էլ են փականներ տեղադրել, որպեսզի աշխատակիցները երկուշաբթի առավոտյան չկարողանան աշխատանքի գնալ:
Այսօր ցուցարարները հաղորդել են դեկտեմբերի 1-ին կառավարության նկատմամբ հաղթանակի հասնելու մտադրության մասին:
