«Լուսավոր Հայաստան» և «Հանրապետություն» կուսակցությունները այսօր նույնպես Հանրապետության հրապարակում են:
«Այս պահին Սերժ Սարգսյանը հեռացել է, բայց ՀՀԿ-ն մնացել է իր տեղում, և նրանք փորձ են անում Կարեն Կարապետյանին կարգել վարչապետ»,- «Առաջին լրատվական»-ի հետ զրույցում ասաց «Լուսավոր Հայաստան» կուսակցության նախագահ, «Ելք» խմբակցության պատգամավոր Էդմոն Մարուքյանը:
Նրա խոսքով՝ Կարեն Կարապետյանը հուսախաբ է արել ժողովրդին և հիմա նորից ուզում է այդ դերը տանել. «Եթե հիմա ՀՀԿ-ն չհեռացվի իշխանությունից, դուրս կգա, որ պայքարը անձերի դեմ էր, ինչին մենք դեմ ենք. մենք համակարգային պայքարի կողմնակից ենք»:
Մարուքյանի խոսքով՝ հիմա ամեն ինչ պետք է անել Նիկոլ Փաշինյանին վարչապետի թեկնածու առաջադրելու համար. «Հանրապետականն ուզում է լծակները պահպանելով՝ գնալ արտահերթ ընտրության»:
Էդմոն Մարուքյանը չի կարծում, որ Սերժ Սարգսյանը կարող է ստվերից կառավարել. «Հնարավոր է, որ Սերժ Սարգսյանը հրաժարական տա նաև ՀՀԿ նախագահի պաշտոնից»:
Ամբողջությամբ՝ տեսանյութում:
