Եթե ինստիտուցիոնալ մակարդակով պատրաստ չլինես Հանրապատականին փոխարինելու, այլ ճանապարհ չես ունենա, լրագրողների հետ ճեպազրույցում ասաց ՀՀ ԱԺ «Ելք» խմբակցության քարտուղար Գևորգ Գորգիսյանը։
«Հանրապետականը լուրջ աշխատող համակարգ է և դրա դեմ դու պետք է ունենաս նմանատիպ, որոշ կետերով նաև ավելի լավ աշխատող համակարգ, հակառակ դեպքում, դու որևէ հնարավորություն չես ունենա։ Եթե դու պատրաստ չլինես ինստիտուցիոնալ մակարդակում Հանրապատականին փոխարինելու, որևէ այլ ճանապարհով երբեք չես կարող», – նշեց նա։
Անդրադառնալով «Քաղաքացիական պայմանագրի» առաջարկած փողոցային պայքարին դեմ լինելուն՝ Գորգիսյանն ասաց, որ դրանում իրենք մի շարք խնդիրներ են տեսնում ու կարծում, որ իրենց պայքարը պիտի լինի ինստիտուցիոնալ մակարդակում, այլ ոչ թե անձի։
