Նյու Յորքի դատարանը 7 տարվա ազատազրկման է դատապարտել Turing Pharmaceuticals դեղագործական ընկերության նախկին ղեկավար Մարտին Շկրելին, ում անվանում են «Ամերիկայի ամենաատելի մարդ»: Այս մասին հայտնում է New York Times-ը:
Ավելի վաղ 34-ամյա Շկրելին իրեն մեղավոր է ճանաչել արժեթղթերի մեքենայությունների մեջ: Նա խաբեությամբ ներդրողներին համոզել է միջոցներ ներդնել իր կողմից հիմնադրված երկու՝ MSMB Capital և MSMB Healthcare հիմնադրամների մեջ՝ նրանց ուղարկելով կեղծ հաշիվներ և թաքցնելով զգալի կորուստները: Բացի այդ, նա ներկայացրել է կեղծ վկայություններ, որպեսզի աջակցի Retrophine դեղագործական ընկերության բաժնետոմսերի բորսային արժեքը:
2017-ի սեպտեմբերին գործարարը խախտումների համար ենթարկվել է 5 մլն գրավի դիմաց պայմանական ազատազրկման: Շկրելին ունեցել է բացասական համբավ ամերիկացիների շրջանում, երբ ձեռք է բերել Daraprim դեղորայքի արտադրման իրավունք, որը հաճախ օգտագործվում է ՄԻԱՎ-ով հիվանդների բուժման համար: Նա բարձրացրել է դրա գինը՝ 13,5 դոլարից դարձնելով 750 դոլար մեկ հաբի համար: Իր գործունեության համար նա ստացել է «ԱՄՆ ամենաատելի մարդ» անվանումը:
