ՀՀ արտակարգ իրավիճակների նախարարությունը փետրվարի 25-ին, ժամը 05:15-ին տեղեկություն է ստացվել, որ Սյունիքի մարզի Շինուհայր գյուղի ենթակայանի մոտակայքում մեքենա է այրվում:
Դեպքի վայր է մեկնել մեկ մարտական հաշվարկ:
Պարզվել է, որ Գորիս-Շինուհայր ավտոճանապարհի 15-րդ կմ-ին «ՎԱԶ-2106» մակնիշի 35 CV 029 պետհամարանիշով ավտոմեքենան (վարորդ՝ 1984 թ. ծնված Վ. Գ.) դուրս է եկել ճանապարհի երթևեկելի հատվածից, բախվել էլեկտրասյանը և բռնկվել:
Մինչ փրկարարների կանչի վայր հասնելը վարորդը տեղի ուժերով տեղափոխվել է Գորիսի բժշկական կենտրոն, որտեղ տուժածի առողջական վիճակը բժիշկները գնահատել են բավարար:
Հրդեհը մեկուսացվել է ժամը 05:56-ին, մարվել՝ 06:15-ին:
Ավտոմեքենան ամբողջությամբ այրվել է:
