ԽՍՀՄ ժողովրդական արտիստ Արմեն Ջիգարխանյանը հանդես է եկել Վիտալինայից ամուսնալուծվելու վերաբերյալ մեկնաբանությամբ։ Երկուշաբթի հաշտարար դատարանը բավարարել էր հայտնի դերասանի հայցը։ Արմեն Ջիգարխանյանը չէր կարողացել երկա գտնվել դատին, քանի որ հանգստանում է Մոսկվայի մարզում գտնվող հանգստյան տանը։
Լրագրողները կապ են հաստատել Արմեն Ջիգարխանյանի հետ՝ իմանալու նրա արձագանքը։ Արմեն Բորիսովիչի խոսքով՝ ինքը գոհ է դատարանի որոշումից։
«Ես հասկանում եմ, որ դա այն հաղթանակը չէ, որտեղ 1:0-ն ինչ-որ մեկի օգտին է։ Ո՛չ, դա միանգամայն այլ զգացմունք է, և ես հասկանում եմ, որ պետք է դա վերապրեմ»,-մեկնաբանել է Ջիգարխանյանը։
Ջիգարխանյանը նշել է, որ իրեն պատշաճ խնամք են ցուցաբերում։ Դերասանը չի գանգատվում առողջական խնդիրերից և ուժերի սղությունից։ Դերասանի խոսքով՝ ինքը դրական է տրամադրված և լի է պլաններով։ Ջիգարխանյանի խոսքով՝ ինքը շրջապատված է հիանալի մարդկանցով, ովքեր մշտապես պատրաստ են օգնության գալ։
«Չար ոգին դա կերպար չէ, ինչպես շատերն են կարծում։ Դա այն է, ինչ գտնվում է կողքիդ ու ձևանում բարի, լուսավոր, սիրելի։ Պետք է պարզապես հաղթահարել, այդքան էլ շուտ չի անցնի։ Վիրավորանքը մնացել է»,-ասել է Ջիգարխանյանը։
