Հոկտեմբերի 16-ին Մոսկվայի կենտրոնում սպանված տղամարդը կարող է մարդասպանի պատահական զոհ լինել։ Այս մասին հայտնում է Ren TV-ն։
Հեռուստաալիքի տվյալներով՝ Նովոսլոբոդսկայա փողոցում գլխին կրակոցներ ստացած տղամարդը հանդիսանում է մայրաքաղաքի գործարարներից մեկի անձնական վարորդը։
38-ամյա Գեորգի Կ.-ն նախկինում որպես տաքսիստ է աշխատել, սակայն վերջերս փոխել է աշխատանքը։
Չարագործն առնվազն 6 կրակոց է արձակել։ Տղամարդը տեղում մահացել է։
Նրա դին հայտնաբերվել է Infiniti մեքենայում՝ «Նովոսլոբոդսկայա» մետրոկայարանից ոչ հեռու։ Հեռուստաալիքի տվյալներով՝ մեքենան պատկանում է գործարարի։
Ըստ ամենայնի՝ ի սկզբանե մարդասպանի թիրախում եղել է ձեռնարկատերն անձամբ, սակայն հանցագործը սխալմամբ կրակել է նրա վարորդի վրա։
Ներկայում ՌԴ ՔԿ-ն սպանության փաստով քրեական գործ է հարուցել։ Անցկացվում են քննչական միջոցառումներ՝ չարագործի ինքնությունը և տեղի ունեցածի հանգամանքները պարզելու համար։
