Ամերիկյան Արիզոնա նահանգի Յումա քաղաքում տեղի է ունեցել ողբերգական միջադեպ: 73-ամյա մի տղամարդ գնդակահարել է 6 հոգու:
Հայտնի է, որ Յումա քաղաքի բնակիչ Հել Դայեսը կրակ է բացել 6 մարդու վրա, որի հետևանքով 5 մարդ տեղում մահացել է, իսկ մեկը վիրավորվել: Տղամարդն այդ հանցագործությունը կատարել է Յումա քաղաքի դատարանի և մի քանի դպրոցների մոտ: Տեղի ոստիկանությունում հաղորդել են, որ այդ միջադեպից հետո տղամարդն ինքնասպան է եղել:
Այժմ ոստիկանությունը փորձում է պարզել, թե որոնք են եղել 73-ամյա ամերիկացու նման պահվածքի շարժառիթները: Նախնական տվյալներով՝ Դայեսին վրդովել է կնոջ հետ ամուսնալուծությունը:
