ԱՄՆ նախկին պետքարտուղար և Դեմոկրատական կուսակցությունից 2016 թվականի նախագահական ընտրությունների թեկնածու Հիլարի Քլինթոնը Variety պարբերականի հետ հարցազրույցում հայտարարել է, որ ՌԴ նախագահ Վլադիմիր Պուտինը մտադիր է «կործանել ԱՄՆ-ը»։
Նրա կարծիքով՝ «տեխնոլոգիական ուժերը, որոնք դավադրություն էին կազմակերպել սաբոտաժի ենթարկելու իր նախագահական հայտը 2016 թվականին», շարունակում են ճնշում գործադրել ամերիկյան քաղաքականության վրա։
«Ես կարծում եմ, որ կարևոր է վերջին արշավից իրական դասեր քաղելը։ (Տեխոլոգիական) ուժերը հետաքրրքված են ոչ միայն ընտրությունների ու քաղաքականության վրա ազդեցությամբ։ Նրանք մտադիր են նաև ազդել տնտեսության և որպես ազգ՝ մեր միասնության վրա»,-ասել է Քլինթոնը։
Նա հայտարարել է, որ Ռուսաստանի վարած ապատեղեկատվական արշավը նվազեցրել է հաղթանակի իր շանսերը։ Դրան հասնել հաջողվել է սոցցանցերի օգնությամբ, որոնք պատրաստ չեն եղել պայքարելու կեղծ նորություններից դեմ։
Քլինթոնը նշել է, որ պատմության մեջ առաջին անգամ «տեխնիկական հեղափոխությունն օգտագործվել է որպես քաղաքական զենք»։
«Կարևոր է, որպեսզի ամերիկացիները, որպեսզի տեխնոլոգիաների ու բիզնեսի մարդիկ հասկանան, որ Պուտինը ցանկանում է կործանել մեզ։ Նա ՊԱԿ-ի վաղեմի գործակալ է»,-հայտարարել է Քլինթոնը։
