Ռուսաստանի նախագահ Վլադիմիր Պուտինը Գերմանիայի կանցլեր Անգելա Մերկելի հետ քննարկել է ուկրաինական հակամարտության բոլոր մասնակիցների կողմից Մինսկի պայմանավորվածությունների անշեղ կատարման անհրաժեշտությունը՝ տեղեկացնում է tass.ru-ն:
«Այսօր մենք վերահաստատեցինք Մինսկի պայմանավորվածությունների անշեղ կատարման անհրաժեշտությունը, համաձայնեցինք, որ գլխավոր խնդիրների թվում պետք է լինի հակամարտության կողմերի ուժերի ու միջոցների տարանջատումը, ինչը թույլ կտա լիովին դադարեցնելու գնդակոծումները, կարգավորելու ուղղակի երկխոսությունը Կիևի և չճանաչված հանրապետությունների միջև, օրենսդրորեն ամրագրել նրանց հատուկ կարգավիճակը և դրա հիման վրա այնտեղ անցկացնել ընտրություններ»,- ասել է Պուտինը մամուլի ասուլիսում՝ ամփոփելով Գերմանիայի կանցլերի հետ բանակցո ւթյունների առաջին փուլի արդյունքները:
«Նորմանդական քառյակն», անկասկած, այսուհետեւ էլ պետք է ակտիվորեն զբաղվի ուկրաինական ճգնաժամի կարգավորմամբ, այսինքն՝ այդ ձևաչափով աշխատանքը կշարունակվի նաև Ֆրանսիայում նախագահական ընտրություններից հետո»,– ընդգծել է Պուտինը:
