Իր «Ալբանիայի երդվյալ կույսերը» նախագծի ստեղծման համար լուսանկարիչ Ջիլ Պետերսը ճանապարհորդել է հյուսիսային Ալբանիայի գյուղերով՝ լուսանկարելով կանանց, որոնք տեղի մշակույթի ու հասարակական հարաբերությունների առանձնահատկությունների պատճառով իրենց կյանքն ապրել են որպես տղամարդ՝ ընդմիշտ պահպանելով կուսությունը:
Շատ կանայք տղամարդկային ինքնությանն անցումը կատարել են վաղ հասակում՝ խուսափելու համար դարերով ձևավորված ավանդույթից, որի համաձայն՝ կինն իր ամուսնու սեփականությունն է:
Ապրելով որպես տղամարդ՝ լուսանկարներում պատկերված կանայք ձեռք են բերել բացառապես տղամարդկանց մենաշնորհը հանդիսացող այնպիսի ազատություններ, ինչպիսիք են քվեարկելը, մեքենա վարելը, բիզնեսով զբաղվելը, դրամ վաստակելը, ալկոհոլ օգտագործելը, ծխելը, հրացան ունենալը, տաբատ կրելը և այլն:
Նման տղամարդ-կանայք շատ հարգված են այստեղի համայնքներում, և զարմանալին այն է, որ նրանք չեն ափսոսում իրենց զոհողությունների համար։
