Դոնալդ Թրամփը իր վարչակազմում պետքարտուղարի պաշտոնի համար դիտարկում է Ford Motor ընկերության նախկին ղեկավար Ալան Մալալիի թեկնածությունը։ Այս մասին հաղորդում է ABC հեռուստաալիքը։
Ավելի վաղ Թրամփի անցումային թիմի ներկայացուցիչը հայտարարել էր, որ Թրամփը հանդիպել է Մալալիի և կոնգրեսական Ռաուլ Լաբրադորի հետ։ Ինչպես հաղորդում է Fox News-ը՝ վկայակոչելով իր աղբյուրներին, Թրամփը 71-ամյա Մալալլիի հետ քննարկել է նրա հավանական նշանակումը՝ պետդեպարտամենտի ղեկավարի պաշտոնում։
Ալան Մալալին Ford Motor-ը ղեկավարել է 2006-2014 թվականներին։ Այժմ նա անդամակցում է Google Inc. կորպորացիայի տնօրենների խորհրդին։
