Թուրքիայի Բիթլիսի նահանգում Քրդստանի բանվորական կուսակցության (PKK) դեմ իրականացված հետախուզական գործողությունների ժամանակ ձերբակալվել է 5 մարդ: Այս մասին հայտնում է թուրքական hurriyet պարբերականը:
Ձերբակալվածների մեջ են Բիթլիսի Գուրոյմաք քաղաքի քաղաքապետ Մեհմեթ Էմին Օզքանը և համաքաղաքապետ Սենայե Աթանը:
Ձերբակալվածների տներում և աշխատավայրերում կատարված խուզարկության ժամանակ հայտնաբերվել են մեծ թվող կազմակերպչական փաստաթղթեր, էկեկտրոնային ինֆորմացիա:
Ձերբակալվածները մեղադրվում են PKK-ին օժանդակելու և պաշտոնական դիրքը ի նպաստ այդ կազմակերպության չարաշահելու մեջ:
Ավելի վաղ ձերբակալվել, ապա կալանավորվել էին նաև Թունջելիի (Դերսիմ) քաղաքապետ Ալի Բուլը, Սիիրթի (Սղերթ) քաղաքապետ Թունջեր Բաքըրհանը, Դիարբեքիրի քաղաքապետեր Գյուլթան Քըշանաքը և Ֆըրաթ Անլըն: Նրանց բոլորին մեղադրանքներ են առաջադրված Քրդական բանվորական կուսակցության (PKK) դեմ տարվող հետաքննության շրջանակում:
