Gartner հետազոտական ընկերության վերջին զեկույցի տվյալներով՝ թվային սարքերի, այդ թվում՝ համակարգիչների, պլանշետների, բջջային հեռախոսների և սմարթֆոնների գլոբալ մատակարարումներն այս տարի կնվազեն 3%-ով: Այս ցուցանիշը նվազում է արդեն երկրորդ տարին անընդմեջ. 2015 թ. արձանագրվել է շուկայի գլոբալ կրճատում 0,75%-ով, հայտնում է igate.com.ua-ն:
Ըստ վերլուծաբանների՝ հաջորդ 5 տարում թվային սարքերի վաճառքը գործնականում չի աճի:
Անհատական հանակարգիչների շուկայում 2016 թ. սպասվում է միանգամից 8%-ով անկում: Սրա հիմնական պատճառներից մեկը եվրոյի անցած տարվա արժեզրկումն է, ինչի հետևանքով անհատական համակարգիչները զգալիորեն թանկացել են:
Բջջային հեռախոսների վաճառքի համաշխարհային ծավալները ևս ընթացիկ տարում կկրճատվեն 1,6%-ով: