Միավորված ազգերի կազմակերպության Գլխավոր ասամբլեայի շրջանակում այսօր նախատեսվում են քննարկումներ Լեռնային Ղարաբաղի հակամարտության կարգավորման ուղիների վերաբերյալ: Ադրբեջանական ԱՊԱ գործակալության փոխանցմամբ՝ այս մասին հայտարարել է Ադրբեջանում ԱՄՆ դեսպան Ռոբերտ Սեկուտան:
«ԱՄՆ-ն կարևորում է այս հակամարտության կարգավորումը: Կարծում ենք, որ հակամարտող կողմերը պետք է հանդիպումներ անցկացնեն և աշխատեն այդ ուղղությամբ` հանուն տարածաշրջանում կայունության, խաղաղության և բարօրության հաստատման»,- ասել է Սեկուտան` հայտնելով, որ ԼՂ հիմնախնդրի վերաբերյալ ԱՄՆ դիրքորոշումը մնում է անփոփոխ:
Միացյալ Նահանգների դեսպանը հավելել է նաև, որ հարցի առնչությամբ ԱՄՆ-ն աշխատում է Մինսկի խմբի համանախագահ մյուս երկրների հետ:
